Síminn í Vindáshlíð er loksins kominn í lag. Í gær sigruðust stelpurnar á fyrstu fjallgöngunni og stóðu sig frábærlega vel. Veðrið var fínt þó að ský drægi fyrir sól eftir hádegi. Dagurinn gekk vel. Við enduðum daginn á kvöldvöku þar sem heilmikið var sungið og leikrit sýnd. Stemningin var sérstaklega góð. Rétt áður en bænakonurnar áttu að koma inn var dansað inn í hið frábæra náttfatapartý sem Vindáshlíð er þekkt fyrir. Stelpurnar hoppuðu, dönsuðu og sungu ásamt eldhressum foringjum fram að miðnætti. Síðan enduðum við á frostpinna og sögu til að róa þær niður fyrir svefninn. Þær sofnuðu fljótlega eftir að þær lögðust á koddann og fengu að sofa örlítið lengur í morgun. Í dag glampandi sól og hiti þannig að við förum inn í daginn full tilhlökkunar.
Minni á að símatíminn er kl 11:30-12 fyrir hádegi. Endilega hringið í þennan síma 566-7044
Bestu kveðjur, Þóra forstöðukona