Það var glampandi sól og hiti, þannig lék veðrið við okkur í gær.  Við fórum í göngu að Brúðarslæðu sem er foss stutt frá okkur.  Stelpurnar busluðu í ánni og komu alsælar til baka.  Við fórum að sjálfsögðu í brennó, íþróttakeppni og þær sem vildu gerðu vinabönd.  Kvöldvakan var stórskemmtileg og þrjú herbergi sýndu leikrit.  Dagurinn endaði eins og venja er á því að bænakonur komu inn í herbergi og lásu sögur og spjölluðu við stelpurnar.