Við höfum einmitt verið einstaklega heppnar með veður í þessari viku. Í gær var glampandi sól og heitt allan daginn eins og er búið að vera síðustu daga. Í dag dró ský fyrir sólu en það er samt þurrt þannig að við ættum að geta notið útiverunnar vel í dag.
Fastir liðir eins og fánahylling, biblíulestur, brennó og íþróttakeppni voru allar á sínum stað. Í útiverunni fórum við í göngu niður í réttir. Þar fengum við óvænt að sjá hesta sem voru í rekstri yfir landið sem var auðvitað merkileg upplifun.
Á kvöldvökunni var mikið fjör og mikið sungið ásamt leikritum sem stelpurnar sýndu. Að loknu kvöldkaffi settumst við í setustofuna og hlustuðum á frásögn úr biblíunni og sungum kvöldsönginn ljúfa saman. Bænakonurnar komu svo inn á herbergi stelpnanna og stuttu seinna fóru vel þreyttar hlíðarmeyjar að sofa.
Í dag er mikið framundan enda veisludagur. Ég segi ykkur meira frá því á morgun.
Bestu kv. Þóra forstöðukona