Mæðgnaflokkar Vindáshlíðar 2024

Á hverju ári höldum við þrjá mægðnaflokka í Vindáshlíð, tvo á haustin og einn í aðdraganda jólanna. Markmið flokkanna er að mægður eigi skemmtilega stund saman í yndislega umhverfinu okkar og með skemmtilegri dagskrá.

Mæðgnaflokkar Vindáshlíðar verða eftirfarandi helgar í haust/vetur 2024:

  • Mæðgnaflokkur I: 23. til 25. ágúst.
  • Mæðgnaflokkur II: 30. til 1. september.
  • Jóla-mæðgnaflokkur: 22. til 24. nóvember.

Mæting

Við biðjum alla þátttakendur að mæta á milli klukkan 17:30 og 18:30 á föstudeginum. Þá gefst öllum tími til að velja sér herbergi og koma sér fyrir áður en eiginleg dagskrá hefst með kvöldverði klukkan 19:00. Vinsamlegast athugið að ekki er boðið uppá rútuferðir í flokkinn svo allar mæðgur þurfa að koma sér til og frá Vindáshlíð á eigin vegum.

Farangur

Við mælum með að komið sé með útivistarfatnað eftir veðri, til að hægt sé að njóta náttúrunnar í kringum Vindáshlíð til hins ítrasta. Þar að auki skal taka með: sæng eða svefnpoka, lak, kodda, snyrtivörur, íþróttaföt, föt til skiptanna og fínni föt fyrir veislukvöld. Einnig getur verið gott að taka með inniskó til að nota inni í skálanum.

Dagskrá mægðnaflokks 2024*

*Birt með fyrirvara um breytingar.

Föstudagur:

17:30-18:30 – Mæting og komið sér fyrir.

19:00 – Kvöldverður.

20:00 – Piparkökubakstur.

21:30 – Kvöldkaffi og hugleiðing (háttatími fyrir þreyttar stúlkur).

22:30 – Frjáls tími fyrir eldri stúlkur og mæður.

  • Kósý arinstund í setustofunni.
  • Leikir í íþróttahúsi.
  • Spil.

Laugardagur:

9:00 – Vakning

9:30 – Morgunverður og fánahylling.

10:15 – Morgunstund.

12:00 – Hádegisverður.

13:30 – Jólaföndur.

15:30 – Kaffitími.

16:00 – Frjáls tími

  • Leikir/brennó í íþróttahúsi
  • Vinabandagerð.
  • Kósýstund í setustofu.
  • Gönguferð.

18:00 – Jólastund í Hallgrímskirkju.

18:30 – Jólaveislumatur.

19:30 – Jólakvöldvaka.

21:00 – Kvöldkaffi og hugleiðing.

22:00 – Frjáls tími (háttatími fyrir þreyttar stúlkur).

  • Kósý arinstund í setustofunni.
  • Leikir í íþróttahúsi.
  • Spil.
  • Jólabíómynd.

Sunnudagur:

9:00 – Vakning.

9:30 – Morgunverður og fánahylling.

10:15 – Morgunstund.

11:00 – Ratleikur með jólaívafi.

12:00 – Hádegisverður.

13:00 – Heimferð.

Skráning

Skráning í alla flokka Vindáshlíðar fer fram á sumarfjor.is (smellið hér). Hlökkum til að sjá ykkur í Hlíðinni fríðu!